Zyra e Kurtit shpall tender 9 mijë euro për larjen e automjeteve, kërkon shërbim me prioritet gjatë shtatë ditëve të javës

Zyra e Kryeministrit ka shpallur tender për larjen e automjeteve zyrtare përgjatë një viti. Për këtë qëllim, ZKM ka planifikuar të shpenzojë 9 mijë euro, shkruan Reporteri.net.

Në dosjen e tenderit është specifikuar çka përfshihet me këtë kontratë, e që janë: 1 mijë e 300 larje në vit komplet me shampoo brenda dhe jashtëm 30 ekstra larje, përfshirë tavanin, ulëset, dyert etj dhe furnizimi me 1 mijë litra ujë/shampon të xhamave për automjete.

“Shërbim të shpejtë, cilësorë dhe me prioritet gjatë 7(shtatë) ditëve të javës”, theksohet në dosje.

Afati kohor për fillimin e kontratës është marsi i këtij viti, e përfundimi marsi i vitit të ardhshëm.

Kompanitë e interesuara për këtë tender kanë afat të dorëzojnë ofertat deri më 21 shkurt 2025

© SYRI.net

Lexo edhe:

• KEDS gjobitet me 25 mijë euro për dallavere me njëhsorët
• Kosovari që vdiq në Lezhë dyshohet se humbi kontrollin e veturës për shkak të përgjumjes
• Dita Memoriale e Komunitetit Egjiptian, Kurti: Pjesë e pandarë e historisë sonë