Valixhja e braktisur në Ferizaj, Policia: Nuk kishte asgjë të dyshimtë, e harroi një qytetare

Policia e Kosovës ka dhënë detaje të tjera për një valixhe të dyshimtë që u raportua sot në Ferizaj.

Nga Policia kanë bërë të ditur për gazetën online Reporteri.net se në të nuk kishte asgjë të dyshimte dhe se një qytetare e kishte harruar. Rruga që ishte bllokuar, tashmë është liruar për qarkullim.

“Ka përfunduar i gjithë operacioni i policisë në lidhje me informatën e valixhes së dyshuar në rrugën “Sali Çeku” në Ferizaj. Është lajmëruar një qytetare që e ka harruar aty padashje. Njëkohësisht është kontrolluar valixhja dhe nuk ka pasur asgjë të dyshuar

Të gjitha njësitet janë larguar nga vendi i ngjarjes dhe është liruar rruga. Ndërsa qytetarja është ftuar për intervistë në stacionin e policisë në Ferizaj. Për të gjitha veprimet policore është njoftuar prokurori i shtetit”, kanë thënë nga Policia e Kosovës.

© SYRI.net

Lexo edhe:

• Përçarja brenda LDK’së, reagojnë edhe nga VV
• Aktivizohet krahu i Përparim Ramës, edhe Dega e dytë e LDK’së në Prishtinë kërkon dorëheqjen e Abdixhikut
• “Si nuk u ngopën kurrë?” Abdixhiku shpërthen ndaj kritikëve brenda LDK-së