Arrestimi i ish-presidentit të Kosovës, Hashim Thaçi, ishte një nga temat për të cilat përfaqësuesi i Lartë për Politika të Jashtme dhe te Sigurisë, Josep Borrell, kishte vendosur të përmendte në fjalimin e tij në Forumin për të Drejtat e Njeriut me temën “Ndaloni mosndëshkimin – Rruga drejt llogaridhënies dhe drejtësisë”.
Borrell tha se Bashkimi Evropian po formon mekanizma për zgjidhje post-konflikt. Këtu ai përmendi Kosovën dhe Dhomat e Specializuara në Hagë.
“Ne po formojmë mekanizma të veçantë për zgjidhjet post-konfliktit. Dua të përmend Kosovën, Dhomat e Specializuara të Kosovës. Ish-presidenti i Kosovës tani është në Amsterdam në pritje të gjykimit dhe misioni ynë policor në Kosovë (EULEX) ishte i ngarkuar për ta arrestuar kur ishte president në detyrë dhe për ta dërguar në Amsterdam për t’u përballur me drejtësinë”, tha ai.
🔴 LIVE I Keynote speech by HR/VP @JosepBorrellF at the EU-NGO Forum 2022#EUNGOForum #EU4HumanRights https://t.co/Gv8RbwssaJ
— European External Action Service - EEAS 🇪🇺 (@eu_eeas) December 14, 2022
Hashim Thaçi po mbahet në paraburgim nga nëntori i vitit 2020. Aktakuza ndaj lidhur me pretendimin për krime lufte, është konfirmuar më 26 tetor 2020, ndërsa në paraqitjet e tij të para në Dhomat e Specializuara në Hagë ai është deklaruar i pafajshëm.
© SYRI.net
Gjykata Speciale: Edhe nëntë viktima të tjera pranohen për të marrë pjesë në procesin gjyqësor ndaj ish-krerëve të UÇK-së
Konflikti i të riut me ish të dashurën eskaloi në tentim vrasje, detaje për incidentin në rrugën Prishtinë-Ferizaj
'Vendosja e sanksioneve ndaj Kosovës është idiotësi e BE-së'
Denonco
Merrni lajmet më të fundit nga SYRI.net në çdo moment dhe kudo që të jeni!
