Kuvendi i Kosovës së shpejti do të bëhet me dhomë të gjidhënies, ka njoftuar deputetja e Lëvizjes Vetëvendosje, Tinka Kurti, që ka thënë se kryetari i Kuvendit dhe sekretari ia kanë aprovuar kërkesën.
Kurti ka deklaruar se së shpejti deputetet dhe të punësuarat e Kuvendit të cilat kanë nevojë t’i ushqejnë fëmijët e tyre me qumësht gjiri do ta kenë këtë hapësirë të veçantë.
Ajo ka shkruar në Facebook se dhoma do të bëhet sipas rekomandimeve të Organizatës Botërore të Shëndetësisë.
Deputetja ka paralajmëruar se një kërkesë e tillë do t’u dërgohet edhe institucioneve tjera publike.
“Kjo është e rëndësishme për të drejtat e grave në punë. Èshtë e rëndësishme për mirëqenien e grave gjidhënëse e të punësuara dhe nganjëherë jetike për fëmijën. Gjidhënia është mirëqenie. Gjidhënia është politike”, ka shkruar ajo në Facebook.
© SYRI.net
Gjykata Speciale: Edhe nëntë viktima të tjera pranohen për të marrë pjesë në procesin gjyqësor ndaj ish-krerëve të UÇK-së
Konflikti i të riut me ish të dashurën eskaloi në tentim vrasje, detaje për incidentin në rrugën Prishtinë-Ferizaj
'Vendosja e sanksioneve ndaj Kosovës është idiotësi e BE-së'
Denonco
Merrni lajmet më të fundit nga SYRI.net në çdo moment dhe kudo që të jeni!
