Qeveria do t’iu japë mijëra euro disa organizatave joqeveritare dhe disa mediave. Të hënën Zyra e Kryeministrit ka publikuar listën preliminare të përfituesve.
Gjithjes 33 organizata joqeveritare dhe 15 media do të marrin para nga Qeveria, që paraprakisht shpalli një thirrje publike në maj “për ofrimin e mbështetjes financiare për projektet/programet e OJQ-ve dhe Mediave që kontribuojnë në Mbrojtjen dhe Promovimin e të Drejtave dhe Interesave të Komuniteteve në Kosovë”.
Për mbështetje financiare publike për projektet/programet sipas kësaj thirrjeje publike është paraparë të ndahet shuma në vlerë prej 400,000 eurosh.
Ndërkaq për mbështetje financiare publike për projektet/programet e OJQ-ve është paraparë shuma në dispozicion në vlerë prej 300,000 eurosh.
“Leadership Development Association Albania”, “Demokraci dhe Diversitet” e “15 Shkurti”, janë organizatat e renditura lart në listën preliminare të përfituesve. Lista vijon me të tjera organizata shqiptare dhe serbe.
Ndërkaq “Paper Radio” dhe “RTV Besa” janë në krye të listës preliminare të mediave që do të përfitojnë nga Qeveria.
OJQ-të që kanë aplikuar për t’u financuar nga Qeveria kanë të drejtë ankese me shkrim në Komisionin e Ankesave të Zyrës së Kryeministrit deri më 8 gusht.
Rezultatet nga lista paraprake shndërrohet në perfundimtare, pasi të jenë kryer të gjitha procedurat dhe afatet e parapara.
© SYRI.net
Gjykata Speciale: Edhe nëntë viktima të tjera pranohen për të marrë pjesë në procesin gjyqësor ndaj ish-krerëve të UÇK-së
Konflikti i të riut me ish të dashurën eskaloi në tentim vrasje, detaje për incidentin në rrugën Prishtinë-Ferizaj
'Vendosja e sanksioneve ndaj Kosovës është idiotësi e BE-së'
Denonco
Merrni lajmet më të fundit nga SYRI.net në çdo moment dhe kudo që të jeni!
