Kryeministri i Malit të Zi Dritan Abazoviq i cili pasi mori detyrën e shefit të Qeverisë, i kërkoi Kosovës që t’i bashkohet Ballkanit të Hapur, ende nuk ka vendosur se çfarë do të bëjë vendi i tij me këtë iniciativë, pjesë e të cilës aktualisht janë Serbia, Maqedonia e Veriut dhe Shqipëria.
Abazoviq duke folur në Samitin e Demokracisë të Evropës Juglindore ka thënë se Mali i Zi shkon në Samitin e Ohrit që do të mbahet 7-8 qershor për të vëzhguar.
I pyetur rreth qëndrimit të Zëvendëskryeministrit malazez Rasko Konjevic i cili ka qenë i ashpër duke thënë se askush nuk mund të marrë obligime në emër të shtetit, Abazoviq ka thënë se kjo është “pjesë e taktikës dhe marrëveshjeve” që kanë për qëllim të ndajnë shoqërinë në Mali të Zi.
Presidenti i Malit të Zi Milo Gjukanoviq, mban qëndrim kundër hyrjes së Malit të Zi në Ballkanin e Hapur, por Abazoviq thotë se politikën e jashtme e udhëheq Qeveria.
Sido që të jetë, ai thotë se nuk e ka plan ta bëjë malin e Zi pjesë të Ballkanit të Hapur.
“Nuk shkojmë në Ohër të bëhemi pjesë të Ballkanit të Hapur. Shkojmë si vëzhgues, do të analizojmë se çka është e mirë për vendin, nëse vlerësojmë se është diçka e mirë nuk kamë kundër asgjë që t’i bashkohemi iniciativës” ka thënë Abazoviq.
© SYRI.net
Gjykata Speciale: Edhe nëntë viktima të tjera pranohen për të marrë pjesë në procesin gjyqësor ndaj ish-krerëve të UÇK-së
Konflikti i të riut me ish të dashurën eskaloi në tentim vrasje, detaje për incidentin në rrugën Prishtinë-Ferizaj
'Vendosja e sanksioneve ndaj Kosovës është idiotësi e BE-së'
Denonco
Merrni lajmet më të fundit nga SYRI.net në çdo moment dhe kudo që të jeni!
