Pas shumë e shumë sfidave dhe shumë e shumë vonesave të krijuara nga pandemia dhe menaxhimi problematik i saj, tashmë u bënë tri ditë nga fillimi i vitit të ri shkollor. Por, telashet s’kanë të ndalur.
Tash, nxënësit tanë po ballafaqohen me një telash mjaft të parëndomtë. Shumë nxënësve, ushtrimoret e tyre të punës iu kanë qëlluar të plotësuara. Nuk dihet se kush i ka plotësuar këto ushtrimore.
Tash e gati një dekadë, Ministria e Arsimit praktikon shpërndarjen e librave dhe ushtrimore falas për nxënësit – për ta lehtësuar sadopak mundin e tyre dhe të prindërve të tyre.
Por, duket se kësaj radhe ata s’do të kenë nevojë as ta lodhin trurin në ushtrime – pasi që, këto e kanë bërë me gjasë nxënësit e viteve të kaluara. Në disa fotografi të siguruara nga Periskopi këto ushtrimore të klasës së gjashtë (6) janë tërësisht të plotësuara.
Periskopi ka dërguar pyetje në adresë të Ministrisë së Arsimit për të kuptuar më shumë se pse ka ndodhur një gabim i tillë, por deri më tani nuk janë përgjigjur
© SYRI.net
Aksioni i policisë në veri, vjen reagimi nga Serbia 
PDK arsyeton pse duhet të shpërndahet Kuvendi dhe të shkohet në zgjedhje
Osmani: Çdo sukses i Kosovës mban edhe vulën e ShBA-së
Denonco
Merrni lajmet më të fundit nga SYRI.net në çdo moment dhe kudo që të jeni!
