Escobar: Pranimi i propozimit evropian për asociacionin, do t’i mundësonte amerikanëve të lobonin për Kosovën

09:25, 17/05/2024

Gabriel Escobar ka dhënë një intervistë në Qendrën për Evropë të Këshillit Atlantik. Një nga temat e diskutimit ka qenë edhe tema e Asociacionit.

Emisari amerikan ka thënë se ka vërejtur mungesë të vullnetit në implementimin e Asociacionit të komunave me shumicë serbe në Kosovë.

“Ne do të duhej të insistonim më shumë në implementim e Asociacionit sesa në ndërmjetësimin që dy palët të bëhen bashkë, sepse në disa raste ne kemi vërejtur mungesën e vullnetit në të dy palët. Interpretimi dhe implementimi i Asociacionit është absolutisht vendimtar për Kosovën. Është më i vështiri prandaj si më i vështiri, ishte e rëndësishme që Kosova të jepte sinjal se ka vullnet të adresojë çështjen e minoritetit serb në territorin e saj. Pranimi i propozimit evropian do t’u jepte mundësi amerikanëve që të lobonin te shtetet evropiane që nuk e kanë njohur Kosovën, për ta bërë këtë, por se nuk kishin material për këtë” ka thënë Escobar.

© SYRI.net

Lexo edhe:

• Kurti i hapur për t’i dhënë fund mandatit, flet sërish për zgjedhje të parakohshme në vjeshtë a dimër
• Mblidhen dy komisione të Kuvendit
• Parashikimi i motit për sot