Ish-Deputetja e PDK-së nga Vushtrria, Xhevahire Izmaku, e ka demantuar kryetarin e komunës së Vushtrrisë, Xhafer Tahiri, për prezentimin e rrethrrotullimit në Smrekonicë si projeket të tij.
Izmaku ka shkruar duke paraqitur edhe dokumente se ka qenë pikërisht ajo që ka bërë amandamentin buxhetor për financimin e këtij rrethrrotullimi.
“Demantoj kryetarin aktual Xhafer Tahiri, i cili projektin e rrethrrotullimit në Smrekonicë, e prezenton si punë të qeverisjes së tij!
Rrethin në Smrekonicë bashkë me disa projekte të tjera në Vushtrri, e kam amandamentuar unë si deputete, dëshmia në foton që vijon e tregon realitetin!” ka shkruar Izmaku.
“Punët e mira i përshëndes nga kushdo që vijnë, por përvetësimi i pavërtetë, duket i padenjë!” ka shtuar tutje ajo.
© SYRI.net