Emri i tij është Larry Rendell Brock, një veteran i Forcave Ajrore dhe ishte mes protestuesve në Kapitol Hill.
Brock është arrestuar ditët e fundit.
53 vjeçari u arrestua pasi ish-gruaja e tij e raportoi në FBI, pasi e kishte parë atë në fotot e trazirave të 6 janarit në internet, shkruan CNN.
Siç tregon CNN, nënkoloneli në pension u njoh gjithashtu nga një person i dytë, i cili e njihte prej tatuazheve të tij dhe kontaktoi FBI.
Brock ishte një pilot i A-10 deri në vitin 2007 dhe doli në pension në vitin 2014.
Pas ngjarjeve në Capitol Hill, 53-vjeçari u shkarkua nga kompania private e aviacionit ku punonte dhe u arrestua të dielën 10 Janar.
Larry Rendell Brock do të përballet me dy akuza federale për hyrje me vetëdije dhe në mënyrë të jashtëligjshme në një ndërtesë qeveritare dhe akuza tjetër për hyrje të dhunshme dhe sjellje kundër rendit publik.
Gjithashtu Brock konfirmoi për The New Yorker të shtunën e kaluar se ishte ai në fotot nga dhoma e Senatit.
Ai mbante një helmetë jeshile dhe veshje të forcave të blinduara në trup.
Në një intervistë me revistën, Brock theksoi se ai besonte se kishte pasur mashtrim në zgjedhje.
"Presidenti kërkoi që mbështetësit e tij të ishin atje për të marrë pjesë," i tha Brock revistës. "Ndjeva se ishte e rëndësishme, për shkak të asaj se sa shumë e dua këtë vend".
© SYRI.net
Musliu Shoshi: Aleatët e Kosovës e kanë humbur besimin në Qeverinë Kurti
Von Cramon: Arsyeja për masat e BE-së ndaj Kosovës nuk ekziston më
Osmani: Në Këshill të Sigurimit e thash vetëm të vërtetën që Serbia s’mund ta mohoj
Denonco
Merrni lajmet më të fundit nga SYRI.net në çdo moment dhe kudo që të jeni!
