Zbardhen detaje të reja nga aksidenti i ndodhur një natë më parë në dalje të tunelit të Elbasanit ku humbën jetën dy vajza dhe u plagosën dy të tjera.
ABC News raporton se Behar Pema, shoferi i automjetit tip ” Benz” që goditi nga pas makinën ku udhëtonin katër vajzat, ka qenë duke udhëtuar me shpejtësi 160 km në orë.
Sipas ekspertëve auto-teknikë ai nuk ka frenuar, pasi gjatë ekspertimit në vendin e ngjarjes nuk ka pasur shenja frenimi.
Burimet thanë se Pema kishte kryer manovra që në hyrje të tunelit. Një nga të mbijetuarat e aksidentit të mbrëmshëm Nervida Garunja i tha policisë ditën e djeshme se shoferi lëvizte nga një anë në tjetrën para se të ndodhte përplasja.
Pema rezultoi i dehur në testin e alkoolit të kryer menjëherë pas ngjarjes dhe u vu në pranga nga uniformat blu.
Katër vajzat po udhëtonin drejt Korçës në momentin kur ndodhi aksidenti që i mori jetën dy pasagjereve Lusinda Garunja dhe Xheneta Qallia, ndërsa plagosi Denisa Dibrën dhe Nervida Garunjën.
© SYRI.net
Aksioni i gjerë i Policisë në Prishtinë: Ky është personi që u kap me heroinë dhe marihuanë
KEDS bën me rrjet nëntokësor sheshin e qytetit të Suharekës
Ushtroi dhunë ndaj prindërve, dërgohet pas grilave
Denonco
Merrni lajmet më të fundit nga SYRI.net në çdo moment dhe kudo që të jeni!
