Detaje të reja janë mësuar nga ngjarja e ndodhur mbrëmjen e djeshme në zonën e Kodrës së Diellit, te rruga “Bill Klinton”.
Burime të sigurta, bëjnë me dije se ajo që u përfol fillimisht si aksident ka qenë një atentat, i cili nuk ka shkuar siç duhet. Mjeti tip Ford Focus që u largua nga vendngjarja me karoatrecin e Policisë së Shtetit dhe kishte përfunduar mbi trotuar, është përdorur nga atentatori, i cili më pas e braktisi.
Mësohet se drejtuesi i këtij mjeti, i ka zënë prit një mjeti tjetër tip Audi dhe ka nisur ta qëllojë fillimisht me levë hekuri duke i thyer xhamat.
Por menjëherë, shoferi i Audit luksoz i ka dhënë gaz dhe e ka marrë përpara Fordin që i kishte zënë rrugën duke e hedhur mbi trotuar, në hyrjen e një shtëpie në krah të rrugës. Kur ka parë se nuk e ka realizuar dot atentatin , i riu drejtues i Ford-it, ka marrë dokumentat nga makina dhe “ia ka futur vrapit”, raporton neësbomb.al.
Në vendngjarje kanë mbërritur më pas forcat e policisë që kanë dokumentuar provat dhe një karoatrec që ka marrë mjetin e braktisur të atentatorit. Deri tani nuk ka asnjë njoftim zyrtar nga Policia, ndërsa nuk dihet as identiteti i të përfshirëve në atentat.
© SYRI.net
Aksioni i gjerë i Policisë në Prishtinë: Ky është personi që u kap me heroinë dhe marihuanë
KEDS bën me rrjet nëntokësor sheshin e qytetit të Suharekës
Ushtroi dhunë ndaj prindërve, dërgohet pas grilave
Denonco
Merrni lajmet më të fundit nga SYRI.net në çdo moment dhe kudo që të jeni!
