Një aksident i rëndë automobilistik ka ndodhur mëngjesin e sotëm në Prevezë, Greqi.
Tre të rinj dhe një i moshuar dhanë frymën e fundit në asfalt.
Sipas policisë, e cila ende po heton për të zbuluar se si ndodhi aksidenti të personat që humbën jetën ishin një pensionist 70-vjeçar, një vajzë 19-vjeçare nga Shqipëria, një i ri 19-vjeçar dhe një tjetër 23-vjeçar, miq me njeri tjetrin.
Të tre miqtë ishin brenda një ‘Golf-i’ të kuq, të cilin viktima 19-vjeçar ia kishte marrë nënës së tij, megjithatë policia nuk e di ende se kush e drejtonte makinën.
19-vjeçari kishte marrë makinën e familjes nga shtëpia e tij, në mënyrë që të shkonte dhe të argëtohej me miqtë e tij.
Sipas Protothema.gr ‘Golf-i’ i kuq po lëvizte sot në orën 06:25 me orën greke në rrugën Prevezë - Igumenica me drejtim Prevezën.
Në Kastrosykia u përplas me automjetin e një 70-vjeçari, pensionist, një Ford Mondeo ngjyrë argjendi – që po udhëtonte në drejtim të Igumenicës.
Nga përplasja e mjeteve të gjithë mbetën të vdekur në vend.
Përplasja ishte aq e rëndë sa shërbimi zjarrfikës mori mjaft kohë për të liruar katër të vdekurit nga xhamat e makinës.
Sipas informacioneve nga protothema.gr, të gjithë të vdekurit janë identifikuar.
© SYRI.net
Aksioni i gjerë i Policisë në Prishtinë: Ky është personi që u kap me heroinë dhe marihuanë
KEDS bën me rrjet nëntokësor sheshin e qytetit të Suharekës
Ushtroi dhunë ndaj prindërve, dërgohet pas grilave
Denonco
Merrni lajmet më të fundit nga SYRI.net në çdo moment dhe kudo që të jeni!
