Dyshohet si zjarrvënës, arrestohet 57 vjeçari në Tiranë

09:40, 13/09/2020

Policia ka arrestuar një 57-vjeçar, i dyshuar si autor i zjarrvënies në fshatin Prush,Njësia Administrative Vaqarr, në Tiranë.

Në pranga ka rënë I.A., 57 vjeç. Ai akuzohet për për veprën penale “Shkatërrim i pronës me zjarr”.

Njoftimi i policisë:

Identifikohet dhe arrestohet në kohë rekord, autori i dyshuar i zjarrvënies në fshatin Prush,Njësia Administrative Vaqarr.

Specialistët për Hetimin e Krimit në Komisariatin e Policisë Nr.6, pas marrjes së njoftimit se në fshatin Prush, Njësia Administrative Vaqarr, kishte rënë zjarr dhe ishin djegur një sipërfaqe e konsiderueshme e pyllëzuar, menjeherë kanë organizuar punën për të bërë dokumentimin e plotë të kësaj veprimtarie kriminale.

Si rezultat i provave të grumbulluara u bë e mundur identifikimi, kapja dhe arrestimi në flagrancë për veprën penale “Shkatërrim i pronës me zjarr” i shtetasit I.A., 57 vjeç.

Materialet i kaluan Prokurorisë së Rrethit Gjyqësor Tiranë, për veprime të mëtejshme.

© SYRI.net

Lexo edhe:

• Aksioni i gjerë i Policisë në Prishtinë: Ky është personi që u kap me heroinë dhe marihuanë
• KEDS bën me rrjet nëntokësor sheshin e qytetit të Suharekës
• Ushtroi dhunë ndaj prindërve, dërgohet pas grilave