Dëshmi tronditëse është ajo e të miturës 13-vjeçare në Vërdovë të Pogradecit, e cila është abuzuar prej një muaji nga një 46-vjeçar. Burime bëjnë me dije se vajza e mitur prej një muaji jetonte në banesën e autorit, pasi qendronte me vajzën e tij, të cilën e kishte shoqe të ngushtë.
Një natë autori e kishte mbajtur deri në 4 të mëngjesit dhe atë natë abuzoi seksualisht. E kishte kërcënuar se do e hidhte nga ballkoni. E përdhunonte çdo ditë, derisa dje vajza kishte marrë guximin që ta denonconte në polici.
Vajza është shprehur se ka qenë nën presion dhe kërcënim dhe vetëm para dy ditësh arriti të siguronte kontakt me një oficer policie. Ajo është shprehur se nëse kjo situatë do vazhdonte, do shkonte deri në vetëvrasje.
“Ai më mbante në shtëpi dhe bënte sikur kujdesej për mua, por më ngacmonte dhe më pas më përdhunoi. Për herë të parë më ka përdhunuar në qershor të këtij viti. Më përdhunonte çdo ditë në shtëpinë e tij. Fillimisht më mori duke i thënë babait se do të kujdesej ai për mua, pasi familja ime më mbante dot për shkak të kushteve.
Dy javët e para sillej mirë, pastaj filloi të më ngacmonte me fjalë, kurse një natë më mbajti deri në orën 04:00 të mëngjesit në ballkon duke më kërcënuar se do të më hidhte nga ballkoni nëse nuk kryeja marrëdhënie seksuale. Ai mund të ketë abuzuar edhe me vajza të tjera”, është shprehur mes të tjerave vajza e mitur.
Tashmë Blerim Bizgjoni ndodhet pas hekurave dhe do të përballet me akuzën e marrëdhënieve seksuale me të mitur, ndërsa vetë 13vjeçarja ndodhet në gjendje të rënduar psikologjike.
© SYRI.net
Aksioni i gjerë i Policisë në Prishtinë: Ky është personi që u kap me heroinë dhe marihuanë
KEDS bën me rrjet nëntokësor sheshin e qytetit të Suharekës
Ushtroi dhunë ndaj prindërve, dërgohet pas grilave
Denonco
Merrni lajmet më të fundit nga SYRI.net në çdo moment dhe kudo që të jeni!
