Policia e Vlorës ka arrestuar gjatë ditës së sotme Eriton Panajotin, i cili kërkohej nga Interpoli për shkak të një dënimi me 11 vite burg për vepra të rënda penale në Itali.
Sipas policisë, Panajoti lëvizte lirshëm duke ndërruar në mënyrë të vazhdueshme gjeneralitetet e tij.
Ai rezulton i dënuar nga Gjykata e Romës me 11 vite burg për veprat penale “Rrëmbim personi”, “Përdhunim”, “Grabitje” dhe “Vjedhje”, të parashikuara nga Kodi Penal Italian.
“Pas intervistimit të thelluar dhe si rezultat i shkëmbimit të informacionit dhe bashkëpunimit të ngushtë me Interpol Tirana dhe DVP Vlorë, u bë i mundur saktësimi i gjeneraliteteve, konkretisht shtetasi Eriton Panajoti, 43 vjeç, banues në Vlorë, person i shpallur në kërkim ndërkombëtar, i cili për t’i shpëtuar kapjes së policisë ka ndryshuar disa herë gjeneralitetet”, njofton policia.
Panajotit i kishin mbetur për të vuajtur edhe 7 vite e 8 muaj e 20 ditë burg.
© SYRI.net
Aksioni i gjerë i Policisë në Prishtinë: Ky është personi që u kap me heroinë dhe marihuanë
KEDS bën me rrjet nëntokësor sheshin e qytetit të Suharekës
Ushtroi dhunë ndaj prindërve, dërgohet pas grilave
Denonco
Merrni lajmet më të fundit nga SYRI.net në çdo moment dhe kudo që të jeni!
