Po, Bella Hadid shkëlqeu në çdo shfaqje në “Javën e Modës” dhe ishte padyshim kryefjala, por Kanye West i la të gjithë pa fjalë duke bërë zyrtarisht debutimin e tij në pistë.
Themeluesi i ‘Yeezy’, 45 vjeç, hapi shfaqjen e ‘Balenciaga-s’ pranverë/verë 2023 gjatë ‘Javës së modës në Paris’ gjatë fundjavës, duke u shfaqur me një look tërësisht të zi, me një kapele dhe jelek të dyja me fjalën “Security”.
Vetë pista, e vendosur jashtë në ‘Parc des Expositions’ të qytetit, përbëhej nga ajo që dukej të ishte një hapësirë balte deri në kyçin e këmbës. Katër fëmijët e West – North, Saint, Chicago dhe Psalm – thuhet se ishin të pranishëm për ta mbështetur atë, së bashku me Kylie Jenner.
Të famshëm të tjerë të pranishëm përfshinin Doja Cat dhe yllin e “Euphoria” Alexa Demie.
Më vonë gjatë prezantimit, Bella Hadid dhe modele të tjera u shfaqën me grim që i bëri të dukeshin “të mavijosur dhe të rrahur”. Pamja dramatike erdhi menjëherë pas arratisjes së Hadid-it në mbyllje të shfaqjes ‘Coperni’, e veshur me një dizajn të lyer me spërkatje që u aplikua në kohë reale para të pranishmëve.
Drejtoresha kreative e ‘Balenciaga’, Demna Gvasalia, parapriu koleksionin me idenë që identiteti personal të jetë një “fushë beteje”.
“Duhet të kenë guxim dhe këmbëngulje për të marrë me të vërtetë identitetin e tyre dhe kush janë ata në të vërtetë”, thuhet në një pjesë të deklaratës së tij. “Dhe sa më shumë të përpiqeni të jeni vetvetja, aq më shumë ju godasin me grusht në fytyrë… Sfida është të ngriheni dhe të vazhdoni të ecni drejt vetes suaj të vërtetë pasi jeni rrahur dhe rrëzuar.”
© SYRI.net
Romeo-Eglës: Je e vetmja që i ke telendisur gratë në këtë shtëpi
Dua Lipa duket e lumtur në krahët e të dashurit të saj, ndërsa fotografohen bashkë në një darkë në New York City
Kamala Harris u takua me Kim Kardashian dhe duket se një avokate është rrugës!
Denonco
Merrni lajmet më të fundit nga SYRI.net në çdo moment dhe kudo që të jeni!
