Pasi u martuan në 2015, vetëm një vit më vonë, në 2016, Heard paraqiti kërkesën për divorc dhe akuzoi Depp për dhunë.
Depp dhe avokatët e tij mohuan akuzat, duke pretenduar se Heard po përpiqej të përfitonte nga kompensimi financiar, dhe një marrëveshje prej shtatë milionë dollarësh u arrit së shpejti, të cilën Heard pretendoi se do t'i dhuronte Unionit Amerikan të Lirive Civile dhe Spitalit të Fëmijëve në Los Angeles.
Tani Depp po përpiqet të zbulojë nëse ish-gruaja e tij e ka përmbushur atë premtim. Avokati i tij, Andre Caldecot, pohon se donacioni ishte një "gënjeshtër e llogaritur dhe manipuluese", e cila "që në fillim kishte si qëllim shkatërrimin e Depp".
Ai gjithashtu pretendon se spitali i fëmijëve në Los Angeles i shkroi këshilltarit të biznesit të Depp në vitin 2019 në mënyrë që t'i informonte ata se Heard nuk kishte bërë asnjë pagesë.
Një gjykatës i Nju Jorkut tani ka pranuar pjesërisht kërkesën e ekipit ligjor të Depp dhe do të detyrojë Unionin Amerikan të Lirive Civile të lëshojë dokumente që konfirmojnë nëse Heard ka përmbushur një pjesë të marrëveshjes.
Nëse rezulton se Heard nuk i ka dhuruar paratë, Depp dhe ekipi i tij i avokatëve do të kenë prova të forta kundër saj në favor të tyre.
Kujtojmë, pasi u arrit marrëveshja në vitin 2016, tre vjet më vonë, Depp paditi tabloidin britanik "The Sun" për shkrimin se kishte abuzuar me gruan e tij, gjë që çoi në gjyqin e vitit 2020, të cilin Depp e humbi.
© SYRI.net
Romeo-Eglës: Je e vetmja që i ke telendisur gratë në këtë shtëpi
Dua Lipa duket e lumtur në krahët e të dashurit të saj, ndërsa fotografohen bashkë në një darkë në New York City
Kamala Harris u takua me Kim Kardashian dhe duket se një avokate është rrugës!
Denonco
Merrni lajmet më të fundit nga SYRI.net në çdo moment dhe kudo që të jeni!
