Von der Leyen: Përdorimi i paligjshëm i forcës s'mund të tolerohet në Ukrainë

22:38, 31/07/2023

Ursula von der Leyen ka dënuar ashpër “përdorimin e paligjshëm të forcës” në Ukrainë gjatë një vizite në Filipine. 

Presidentja e Komisionit Evropian kritikoi “liderët autoritarë” për shkeljen e parimeve themelore të së drejtës ndërkombëtare, shkruan Sky News.

Zonja Von der Leyen shprehu shqetësimin për ndryshimin dhe paqëndrueshmërinë e peizazhit politik global, duke theksuar agresionin e Rusisë kundër Ukrainës si një kërcënim për rendin ndërkombëtar. 

“Lufta e agresionit të Rusisë kundër Ukrainës trondit themelet e rendit ndërkombëtar,” tha ajo.

“Është në kundërshtim me Kartën e OKB-së dhe parimet themelore të së drejtës ndërkombëtare, si integriteti territorial dhe sovraniteti, dhe kjo është arsyeja pse Europa mbështet luftën e guximshme të Ukrainës kundër agresorit”, shtoi presidentja.

© SYRI.net

Lexo edhe:

• 10 të plagosur nga sulmi rus në Donetsk, vijojnë luftimet pranë Kharkivit
• VIDEO/ Presidentit Biden i ndodh e papritura në skenë, Obama e tërheq për krahu dhe...
• Protestuesit bllokojnë rrugët izraelite dhe kërkojnë zgjedhje të reja