Një skenë e çuditshme e ndaloi ndeshjen e parë të finales së shtetit Bahia midis ekipeve nën 20 vjeç Bahia dhe Fluminense de Feira në Brazil, vetëm 11 minuta pas fillimit të ndeshjes.

Një tufë e madhe bletësh e pushtoi fushën, shkruajnë mediat braziliane, përcjell “Gazeta Express”.

Kaosi shpërtheu në stadiumin Joia da Princesa në Feira de Santana kur bletët i sulmuan lojtarët.

Referi e ndali menjëherë lojën. Futbollistët nga të dyja ekipet u detyruan të shtriheshin përtokë dhe t’i mbulonin fytyrat për ta shmangur pickimin.

Videot e nxjerra nga ndeshja e treguan një numër të madh bletësh që mblidheshin rreth njërës prej kamerave televizive që e mbulonte ndeshjen, që ishte ndoshta edhe arsyeja pse tufa më pas përfundoi në fushë.

Stafi i stadiumit veproi shpejt duke e ndezur sistemin e ujitjes dhe duke spërkatur ujë në të gjithë fushën për t’i shpërndarë bletët.

Funksionoi. Pas një ndërprerjeje që zgjati rreth 10 minuta, loja rifilloi mes kujdesit të madh nga të gjithë.

Rikthimi në aksion nuk i bëri asnjë favor Bahias. Ata e pësuan një humbje të rëndë dhe poshtëruese 8-0 në ndeshjen e parë, një rezultat që e bën kurorëzimin e Fluminense de Feira si kampione, thjesht çështje kohe para ndeshjes së kthimit. 

🚨 INSÓLITO | Una invasión de abejas interrumpió la final del Campeonato Baiano Sub-20 entre Bahia y Fluminense de Feira, en #Brasil.

Jugadores, árbitros y miembros de los cuerpos técnicos se tiraron al césped para evitar las picaduras. El encuentro se reanudó unos diez minutos… pic.twitter.com/pVOjwcna6t

— Corte Informativo (@CorteInforma) July 26, 2026