Trajneri i Manchester Cityt, Pep Guardiola, iu është përgjigjur tifozëve se përse zgjodhi të shikonte ndeshjen e League One midis Stockport County dhe Port Vale dhe jo gjysmëfinalen e Championsit, PSG-Bayern Munchen.

“Është e bukur. Është thelbi i futbollit. Por unë dhe ti nuk jemi të njëjtë. Ky është futbolli, secili ka stilin e vet. Ishte një ndeshje e bukur, ashtu siç ishte Atletiko Madrid-Arsenal. Sigurisht, kur sheh nëntë gola të shënuar në një gjysmëfinale, është fantastike. Futbolli duhet të pranohet në mënyra të ndryshme”, tha Guardiola.

“Një ditë më parë, pashë ndeshjet, pashë PSG-Bayern dhe mendova: ‘Bah, çfarë ndeshjeje katastrofike do të jetë ajo. Trajnerët nuk janë të mirë, Luis Enrike dhe Vini (Kompani)…”, tha ai me shaka.

Pastaj spanjolli e shpjegoi vendimin e tij: “Duke lënë shakatë mënjanë, jam i dashuruar me futbollin anglez dhe vendosa të shkoj në Stockport. Sezonin e ardhshëm, kur Bayerni të luajë kundër ish-ekipit tim, do të jem në qendër të divanit”, siguroi Guardiola.