Arsenali vazhdon të shkëlqejë në Champions League, duke arritur fitoren e pestë radhazi në fazën e kampionatit. Në ndeshjen ndaj Bayern-it të Mynihut në ‘Emirates Stadium’, “topçinjtë” shënuan tre gola të bukur, duke triumfuar 3-1 dhe duke ruajtur rekordin e përsosur me 15 pikë nga 5 ndeshje. Jurrien Timber hapi serinë e golave, ndërsa Noni Madueke dhe Gabriel Martinelli vulosën fitoren e thellë për skuadrën londineze, duke e bërë të pavlefshëm finalizimin e Karl. 

Golat

22' - Ndryshon shpejt rezultati në Emirates: Jurrien Timber (Arsenal) tregon nuhatjen e tij për gol, teksa me qetësi dërgon në rrjetë topin me kokë në krahun e majtë të portës në zhvillimet e një këndoreje, 1-0.

Arsenal - Bayern 3-1

32' — Gol nga Lennart Karl (Bayern Munich)! Talenti i bavarezëve u shërbye në mënyrë perfekte nga Serge Gnabry dhe me shumë qetësi e dërgoi topin në rrjetë nga brenda zonës. Rezultati barazohet në 1-1.

70’ - Gooool! Noni Madueke (Arsenal) mposht portierin i jep epërsinë Arsenalit, 2-1. 

76' - Gabriel Martinelli (Arsenal) pas një pasimi të zgjuar nga Eberechi Eze del përballë portierit dhe shënon, 3-1.