Sulmuesi i Milanit, Santiago Gimenez, mund të largohet nga klubi në afatin e janarit, pas një pjese të parë të sezonit që nuk ka përmbushur pritshmëritë për El Bebote.

Sipas mediave italiane, West Ham është futur në garë për sulmuesin meksikan, ndërsa flitet për një mundësi shkëmbimi me sulmuesin gjerman të klubit londinez, Niclas Fullkrug, i cili po kërkon një shtëpi të re pas largimit nga Londra.

Ky lëvizje mund të konsolidojë sulmin e Milanit nën drejtimin e Max Allegrit, me Leao dhe Pulisic tashmë të konfirmuar si pjesë e formacionit.

Gimenez ishte gjithashtu pranë transferimit te Roma në afatin e fundit kalimtar, por tani rrugët e tij mund të çojnë drejt Ligës Premier.

Gazeta Tuttosport raporton se Milani po monitoron me kujdes situatën, duke vlerësuar mundësinë e një marrëveshjeje që do të sjellë përfitime të dyfishta për klubin italian dhe për lojtarin.