FIFPro, Federata Ndërkombëtare e Futbollistëve Profesionistë, ka sulmuar mënyrën se si futbollistët trajtohen me një kalendar të ngjeshur dhe të pandjeshëm ndeshjesh, duke i quajtur lojtarët “burime të pashtershme” dhe jo persona me nevoja fizike dhe psikologjike.

Në një deklaratë të fortë, FIFPro thekson:

“Futbollistët që luajnë tepër rrezikojnë integritetin e tyre fizik dhe mendor. Gjatë këtij viti është folur për reformimin e kalendarit për të mbrojtur shëndetin dhe pushimin e lojtarëve. Premtohej një futboll më human dhe më racional, por asgjë nuk është zbatuar.”

Federata ka kritikuar edhe Klub World Cup, duke e quajtur një projekt të projektuar vetëm për të maksimizuar të ardhurat, pa marrë parasysh vuajtjet e lojtarëve dhe shikuesve. Sipas FIFPro:

“Nuk ka planifikim, nuk ka parandalim, nuk ka respekt. Ka vetëm një obsesion për fitim ekonomik.”

Organizata gjithashtu ka kritikuar FIFA-n, duke theksuar se ajo vepron me arrogancë, pa dëgjuar, pa dialoguar dhe pa konsultuar aktorët e ndryshëm të industrisë së futbollit. Në vend që të hapte mundësi për pjesëmarrje të gjithë palëve të interesuara, FIFA zgjedh diskriminimin dhe përjashtimin.

FIFPro nxit veprime urgjente për të garantuar që futbollistët të trajtohen me respekt dhe të mos dëmtohet shëndeti i tyre për shkak të kërkesave ekonomike të sportit.