Sipas raportimeve të ‘GiveMeSport’, Levante ka refuzuar një ofertë prej 30 milionë eurosh nga CSKA Moskës për mesfushorin Etta Eyong.

Futbollisti kamerunas, 22 vjeç, është shndërruar në një nga lojtarët më të spikatur të Levantes këtë sezon, duke tërhequr interesin e disa klubeve të mëdha evropiane, përfshirë Barcelonën, pas shënimit të gjashtë golave në La Liga.

Oferta e CSKA-së, sipas burimeve, përfshinte edhe bonuse shtesë, por drejtuesit e Levantes janë të vendosur ta mbajnë Eyong-un të paktën deri në verën e ardhshme.

Barcelona e ka ndjekur nga afër mesfushorin, duke e konsideruar si një opsion afatgjatë për mesfushën, falë shumëanshmërisë dhe aftësisë së tij për të rikuperuar topa.

Me gjithë interesin në rritje, Levante mbetet e palëkundur, ndërsa burime pranë klubit theksojnë se do të shqyrtonte një shitje vetëm nëse mbërrin një ofertë dukshëm më e lartë.

Kjo mund të largojë klube si Barcelona, e cila, nën drejtimin e Hansi Flick, kërkon objektiva të përballueshëm financiarisht nën kufirin e 30 milionë eurove.