Milani përgatitet për një transfertë të vështirë në Bergamo, ku të kuqezinjtë do të përballen me Atalantën (ora 20:45) në një ndeshje me peshë të madhe për zonën e kreut.

Barazimi i arritur në minutat e fundit ndaj Pizas në “San Siro” i kushtoi skuadrës vendin e parë, duke e bërë këtë sfidë edhe më të rëndësishme për vazhdimësinë e kampionatit.

Ndaj skuadra e Allegrit do të kërkojë të rikthehet te fitorja dhe me shpresën që Napoli të mos fitojë.

Nga ana e tyre, napoletanët do të luajnë po sot në orën 18:30 në transfertë me Leccen, me synimin e vetëm të marrin tre pikët e të ruajnë kreun e Serie A.