Pas sukesit 2-1 të Real Madridit ndaj Barcelonës në ‘El Clásico’, mes tensionit të krijuar nga deklaratat e Lamine Yamal-it se “Madrid vjedh”, Jude Bellingham u shfaq me një reagim të qartë në rrjetet sociale.

Mesfushori anglez festoi triumfin duke postuar disa foto nga ndeshja, ku ai shkëlqeu duke i dhënë asist Mbappé-së për golin e parë dhe duke shënuar vetë golin e dytë që vulosi fitoren. Në mesazhin e tij, Bellingham iu drejtua drejtpërdrejt Yamal-it: “Talk is cheap” – ose në shqip, “Të flasësh është falas”. Ai përfundoi postimin me një mesazh për tifozët madrilenë: “Hala Madrid, gjithmonë”.

Gjatë ndeshjes, reagimi i lojtarëve të Real Madridit ishte i dukshëm në fushë, veçanërisht kur Carvajal dhe Vinicius i treguan me duar Yamal-it se po fliste shumë. Momenti përfundoi me një përplasje në fund të ndeshjes, duke shtuar tensionin e një takimi gjithmonë të nxehtë mes dy klubeve më të mëdha spanjolle.

Mesazhi i Bellingham tregon se madrilenët morën deklaratat provokuese të lojtarit të Barcelonës si motiv për të dhënë maksimumin dhe për të fituar një ‘El Clásico’ shumë të rëndësishëm.

 

 

 

 

View this post on Instagram

 

 

 

 

 

 

 

 

 

 

 

A post shared by Jude Bellingham (@judebellingham)