Jasir Asani është rikthyer të bëjë protagonistin në Champions League aziatike, këtë herë me fanellën e Esteghlal.

Sallaksi kuqezi gjeti golin e tij të parë në këtë turne duke i dhuruar skuadrës iraniane një 3 pikësh në xhiron e dytë në Champions.

Në fund të ndeshjes, Asani u vlerësua nga “SofaScore” me notën 9,1 duke u shpallur lojtari më i mirë.

Jo vetëm kaq, SofaScore, faqja e specializuar për statistikat bëri publike edhe formacionin më të mirë të turit të dytë në Champions League aziatike.

Ashtu siç pritej, Asani është bërë pjesë e formacionit më të mirë të këtij raundi.