VIDEO/ Belgjika luan gjysmë ore me një lojtar më pak, por Irani nuk përfiton, barazimi i tretë radhazi në Grupin G

Megjithatë, pas ndërhyrjes së sistemit VAR, goli u anulua, duke i mohuar Taremit kënaqësinë e realizimit dhe Iranit epërsinë e merituar në ato momente të takimit.

Ndeshja kishte nisur me raste në të dyja portat. Belgjika iu afrua golit në minutën e 9-të, kur Maxim De Cuyper provoi nga afër, por portieri Alireza Beiranvand reagoi në mënyrë fantastike. Gardiani iranian ishte përsëri vendimtar në minutën e 22-të, kur ndali një goditje të fortë të Youri Tielemans, duke shpëtuar portën e tij nga një gol i sigurt.

Edhe Irani kishte dhënë sinjalet e para në minutën e 14-të, kur Hossein Kanaani provoi me një goditje të rrezikshme drejt këndit të majtë, por portieri belg arriti ta neutralizonte.

Thibaut Courtois save vs. Iran 14'
by
u/Ryponagar in
soccer

Pas 25 minutave të para, Irani ka lënë përshtypje shumë të mira ndaj favoritëve belgë, ndërsa Beiranvand dhe Taremi kanë qenë protagonistët kryesorë të skuadrës aziatike, pavarësisht golit të anuluar nga VAR-i.

Mbrojtësi Nathan Ngoy u ndëshkua drejtpërdrejt me karton të kuq në minutën e 66-të nga arbitri Dario Herrera, i cili nuk hezitoi aspak pas ndërhyrjes së futbollistit belg. Gjyqtari e konsideroi ndërhyrjen mjaft të ashpër dhe nxori menjëherë kartonin e kuq.