Ndeshjet e javës së 9-të të Kategorisë Superiore janë mbyllur sot me fitoret e Egnatias dhe Partizanit, të cilët kanë nisur arratinë, të shkëputur nga ndjekësit në garën për “FINAL FOUR”.

Egnatia ka mundur Tiranën në kryeqytet dhe ka siguruar kësisoj fitoren e 6-të, që e çoi në kuotën e 19 pikëve dhe për momentin në vendin e parë.

Për bardheblutë, humbja e 4-t në 5 ndeshjet e fundit, bën që të mbetet në vendin e katërt, por ka më pranë Teutën e vendit të 8-të me 11 pikë, sesa Partizanin e vendit të dytë që ka 17 të tilla.

Të kuqtë mundën Erzenin dhe kësisoj janë në vendin e dytë, me mundësinë që të jenë ata të parët kur të mbyllin edhe ndeshjen e prapambetur ndaj Teutës.