Interi dhe Benfica luajnë sot një përballje shumë delikate mes tyre, pasi asnjë prej këtyre ekipeve nuk ka regjistruar fitore në ndeshjen e parë në grup.

Të dy skuadrave u bëhen shumë të rëndësishme tre pikët ndaj do të jetë një duel i cili pritet të dhurojë shumë emocione.Zikaltërit do të përsërin një sfidë ndaj “shqiponjave” pasi sezonin e kaluar i gjetën në ndeshjet me eliminim direkt, ku nënkampionët e Europës i eliminuan në çerekfinale.

Napoli do të presë sot në shtëpi skuadrën spanjolle të Real Madrid në “Maradona Stadio”.

Italianët do të kenë një test të vërtetë këtë sezon, ku përballë do të kenë “galaktikët” e Ancelottit. Kjo është një nga ato ndeshje ku golat nuk mungojnë dhe spektakëli është i garantuar deri në fërshëllimën e fundit të gjyqtarit.