Sergio Ramos thyen një tjetër rekord të futbollit spanjoll. Mbrojtësi i Sevillas është tashmë lojtari që ka bërë më shumë paraqitje për kombëtaren (180) dhe të dielën e kaluar ai u bë lojtari jashtë fushës me më shumë minuta në ligën spanjolle.

Falë 90 minutave të luajtura kundër Las Palmas, ish. Real Madridi (44.076′) ka kaluar Raul González Blanco (44.035′), i cili e mbante atë rekord deri pak ditë më parë. Ramos, sipas të gjitha gjasave, do të bëhet gjithashtu i pari që do të thyejë barrierën prej 45 mijë minutash.

Mbrojtësi dhe sulmuesi ndiqen në renditje nga dy lojtarë të tjerë që kaluan karrierën e tyre në Real Madrid, pikërisht Manolo Sanchís (43,386 minuta) dhe Fernando Hierro (42,870′).

Joaquín, i cili u tërhoq nga futbolli disa muaj më parë, është në vendin e pestë në këtë renditje (42,136′), por ruan rekordin e ndeshjeve (622), i barabartë me Andoni Zubizarreta.