Lautaro Martinez është duke kaluar një moment shumë të mirë me Interin, ndërsa në ndeshjen e fundit, atë ndaj Fiorentinës realizoi dy gola në fitoren 4-0 të ekipit të tij.

Këto gola të realizuara së fundmi nga argjentinasi, kanë bërë që statistikat e tij t’u bashkohen atyre të golashënuesve më të mirë në historinë e klubit “zikaltër”.

Lautaro arrin në kuotën e 106 golave, duke mbajtur vendin e golashënuesit të dhjetë më të mirë në historinë e Interit, ndërsa aktualisht synon pozicionin e nëntë që mbahet nga Christian Vieri me 123 gola.