Pas shumë javësh negociata, “katalanasit” e Barcelona kanë arritur të rinovojnë marrëveshjen me “gardianin” gjerman të portës, Marc-Andre ter Stegen deri më 30 qershor të vitit 2028.

“Shtatlarti” gjerman do të përfitojë në kontratën e tij të re, një klauzolë lirimi prej 500 milionë eurosh, shifër kjo që vështirë të paguhet nga klubet që kërkojnë shërbimet e “gardianit” 31-vjeçar.

Ndërkaq kujtojmë se te “blaugranat”, gjermani erdhi nga skuadra e Borussia Monchengladbach në verën e vitit 2014 dhe përgjatë 9 viteve, në Spanjë, Ter Stegen ka fituar 5 kampionate, 5 Kupë të Mbretit, 1 Champions League, 3 Superkupa Spanjolle, 1 Superkupë Evropiane dhe 1 Kupë të Botës për Klube.