Inter vazhdon fazën përgatitore dhe sot do të ketë përballë skuadrën e Salzburg për një ndeshje miqësore. Për këtë takim, trajneri Simone Inzaghi ka vendosur të mos grumbullojë një prej titullarëve të ekipit.

Bëhet fjalë për kapitenin, Lautaro Martinez që do të humbasë këtë takim. Siç raportojnë mediat italiane, sulmuesi argjentinas do të qëndrojë në Milano pasi ka pasur një mbingarkesë të lehtë muskulore në stërvitje.

Gjithashtu, thuhet se Lautaro Martinez nuk do të jetë i gatshëm as për miqësoren e datës 13 përballë Egnatias. Një lajm jo i mirë ky për skuadrën zikaltër, ku pas 10 ditësh nis sezonin e ri.