“Kolonisë” shqiptare në Serinë A pritet t’i bashkohet edhe Rei Manaj.
Sipas raportimeve të fundit që vijnë nga Italia, sulmuesi i Kombëtares është pranë akordit me skuadrën e Frosinones, që këtë sezon u ngjit në elitë, teksa pak ditë më parë transferoi edhe sulmuesin tjetër shqiptar Marvin Çuni.
Manaj është futbollist i lirë prej 8 shkurtit të vitit 2023, kur mbylli kontratën me Watford, teksa sipas Xhanluka Di Marcios, drejtuesit e klubit verdheblut të Frosninones, po mendojnë të nënshkruajnë me shqiptarin.
Këtë e konfirmoi vetë Guido Angeloci, drejtor i zonës tekniko-operative të Frosinones, i cili pranoi se janë në tratativa me Manajn.
Gjasat janë të mëdha që shqiptari të rikthehet në Itali, pas aventurave të mëparshme me Kremonezen, Interin, Peskarën, Pizën dhe Specian.
© SYRI.net
Bëje LIKE dhe merr lajmin e fundit nga Sporti: