Kombëtarja e Brazilit në futboll në kategorinë e femrave, është eliminuar nga Kupa e Botës.

Kjo ndodhi pas barazimit me Xhamajkën, të mërkurën.

Brazilianet edhe pse kishin posedim më të madh të topit, nuk arritën të krijonin shumë raste për shënim, shkruan Goal.com.

Në anën tjetër, Xhamajkaneve iu duhej veç një barazim për ta kaluar grupin, dhe ia arritën këtë për herë të parë në histori.

Ky ishte eliminimi i parë nga Kupa e Botës për femra për brazilianet, në këtë faze të hershme, që nga 1995.