Një nga futbollistët më të mirë në botë, Kylian Mbappe, ka refuzuar të transferohet në Arabinë Saudite, gjë që do ta bënte atë lojtarin më të paguar në historinë e futbollit.

Ditën e djeshme bota u trondit pasi Mbappe mori një ofertë për kontratën më të madhe në histori. Al-Hilal i ofroi PSG-së 300 milionë euro, por edhe kontratën më të madhe ndonjëherë për një futbollist francez.

Bëhet fjalë për shumën prej 200 milionë eurosh të fiksuara, plus 100% fitime nga të drejtat e marketingut të emrit të tij, të cilat sipas vlerësimeve të CBS Sports do të arrinin në 700 milionë euro.

Kjo është gjithçka që Al-Hilal i ofroi Mbappes për vetëm një sezon. PSG e pranoi menjëherë ofertën, por Mbappe refuzoi të negocionte.

Sipas të nderuarit Fabrizio Romano, Mbappe sonte ka refuzuar të negociojë me Al-Hilal, edhe pse zyrtarët sauditë kanë mbërritur në Paris për bisedime. Ai e bëri të qartë se nuk dëshiron të shkojë në Arabinë Saudite sepse qëllimi i tij i vetëm është të qëndrojë në Europë.

Besohet se Mbappe ka rënë dakord për kushtet e bashkëpunimit me Real Madridin dhe kjo ka qenë dëshira e lojtarit dhe e klubit mbretëror prej kohësh.