Rruga e skuadrave italiane në Europë përfundon në mënyrën më të keqe të mundshme: Tri finale të arritura, të trija të humbura.

Një rekord i palakmueshëm që nuk kishte ndodhur kurrë, duke marrë parasysh edhe periudhën në të cilën ishte Kupa e Kupave.

Fillimisht ishte Roma e cila u mund në finalen e Europa League nga Sevilla. Të njëjtin fat pati edhe Fiorentina që u mund nga West Ham në finalen e Conference League. Ndërsa “qershia mbi tortë” ishte humbja e Interit në finalen e Champions League përballë Manchester Cityt.