Klubi i Vllaznisë ka zyrtarizuar Migen Memellin si trajnerin e ri të skuadrës kuqeblu.

Drejtori sportiv Elvis Plori ka prezantuar teknikun ashtu si edhe zëvendëstrajnerin e ri, Ndriçim Shtubinën, i cili do ta shoqërojë në këtë aventurë në pankinën e kuqebluve.

“Dua të falënderoj klubin, njerëzit që e përfaqësojnë, presidentin dhe drejtorin Plori që më besuan detyrën e trajnerit. E di që është punë shumë e vështirë të jesh trajneri i Vllaznisë, më është ngarkuar një përgjegjësi shumë e madhe. Nisur nga ky fakt dua të shtoj, që pa dashur të futem më thellë, po i bie shkurt, e fundit është që do të mundohem në bindjen tine të jem një njeri i ndershëm e sa më punëtor për objektivat e Vllaznisë”, tha fillimisht Memelli para mediave.