Më 10 qershor, në Stamboll, do të luhet finalja e madhe e Champions League mes Interit dhe Manchester City-t. Dy skuadrat do të ndeshen së bashku për trofeun më të rëndësishëm evropian dhe do të luftojnë midis tyre për ta ngritur lart.

Ndërkohë, presidenti i Interit, Steven Zhang, ka vendosur të marr me vete të gjithë pjesëtarët e klubit për të mbështetur skuadrën në këtë takim historik. Punonjësit e klubit morën emailin e ftesës për finalen e Stambollit dhe të shtunën më datë 10 qershor rreth 500 persona nga kompania e Interit do të nisen me çarter nga Malpensa drejt Turqisë dhe më pas do të kthehen përsëri në shtëpi pas ndeshjes.