Lewandowski: Të gjithë duan Dortmundin kampion, por unë jam për Bayernin

Lewandowski: Të gjithë duan Dortmundin kampion, por unë jam për Bayernin

18:19, 09/05/2023

Gara e titullit në këtë sezon të Bundesligës është më emocionuese se kurrë.

Teksa kanë mbetur edhe tre javë për t’u luajtur, Bayern Munchen kryeson kampionatin me vetëm një pikë më shumë se ndjekësit e Borussia Dortmundit.

Bavarezët janë kampionët në fuqi dhe fitojnë titullin në kampionat prej dhjetë vitesh radhazi, ndaj pjesa më e madhe e opinionit jo vetëm në Gjermani, por edhe në Europë, mbështesin verdhezinjtë për të ndalur në këtë formë hegjemoninë e Bayernit.

Megjithatë, nuk është i këtij mendimi Robert Lewandowski, me sulmuesin polak që në garën e titullit të Bundesligës mbështet Bayern Munchen.

Edhe pse lojtari aktual i Barcelonës, fillimet e karrierës i ka me Borussia Dortmundin sërish duket se lidhja e tij me bavarezët është më e fortë ndaj ai preferon që Bayern të fitojë titullin.

Dëgjoj që në Europë shumë persona shpresojnë që Dortmund të fitojë titullin në Gjermani, thonë se një sukses i verdhezinjve do të ishte më mirë edhe për kampionatin. Por, unë mbetem një fans i Bayernit në këtë drejtim dhe jam me gishtat e kryqëzuara duke shpresuar që ata të fitojnë sërish titullin. Duhet ta tregojnë se janë më të mirët në këto javët e mbetura dhe jam i sigurt se tre ndeshjet e fundit do të jenë shumë emocionuese”, u shpreh Lewandowski.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco