Leipzigu është finalisti i parë i Kupës së Gjermanisë. “Demat” e patën formalitet gjysmëfinalen ndaj Frieburgut, të cilin e mposhtën thellë 4-1.
Një sfidë e mbyllur praktikisht që në pjesën e parë, fraksion gjatë të cilit Leipzigu i shënoi të gjithë golat.
Dani Olmo dhe Henrichs shënuan dy gola të shpejtë në minutat 13’ dhe 14’, ndërsa në fundin e pjesës së parë realizuan edhe Szoboszlai e Nkunku.
Rrjedha e lojës mund të ndryshonte pas ndëshkimit të Gvardiol me karton të kuq, por edhe pse në inferioritet numerik, Leipzigu, ia doli të mbronte avantazhin e thellë, me golin e Gregoritsch që vlejti për statistikë Frieburgut.
Në finale Leipzigu do të ndeshet me fituesin e çiftit Stuttgart-Eintracht Frankfurt.
© SYRI.net
Bëje LIKE dhe merr lajmin e fundit nga Sporti: