Neymar do të bëhet sërish baba! Futbollisti brazilian njoftoi fansat në llogarinë e tij në Instagram se së bashku me partneren, Bruna Biancardi, janë në pritje të një bebushi.

Ata publikuan një album me foto dhe ndër të tjera u shprehën se prindërit po e ëndërrojnë dhe planifikojnë jetën e bebushit dhe e dinë se ai do të plotësojë dashurinë e çiftit dhe do t’i bëjë ditët e tyre më të lumtura.

View this post on Instagram

A post shared by BRUNA BIANCARDI (@brunabiancardi)

Futbollisti i PSG, (emri i së cilit është Neymar da Silva Santos Júnior ) është gjithashtu babai i Davi Lucca, i cili lindi më 24 gusht 2011, kur Neymar ishte në një lidhje me Carolina Dantas.

Por, edhe marrëdhënia me Bruna-n nuk ka qenë kaq e qetë. Ata u ndanë në mënyrë të bujshme, për t’u ribashkuar sërish në ditëlindjen e tij. Në gusht të 2022-shit, Bruna dhe Neymar njoftuan fansat se i kishin dhënë fund marrëdhënies, pas fejesës së tyre në janar të vitit të shkuar. Asokohe u tha se 27-vjeçarja u nda nga Neymar sepse ky i fundit e kishte tradhtuar, por ajo i mohoi aludimet.

Më pas, për ditëlindjen e Neymar, Bruna postoi një album me foto, ku shkruante edhe urimin për yllin e futbollit: “Gëzuar ditëlindjen bukurosh. T’i thashë të gjitha sot”, shkruan ajo dhe i uron yllit të futbollit një vit fantastik me bekime, festa, miq, arritje, synime dhe shëndet. Uroj që Zoti ta mbrojë lidhjen tonë”.