Portieri Matia Perin pranon se Juventusi ka ndryshuar si skuadër, menjëherë pas marrjes së dënimit me 15 pikë nga drejtësia sportive dhe kjo duket edhe në aspektin sesi skuadra po e kalon lehtë deri tani, këtë shuplakë të rëndë, madje janë rikthyer bindshëm në luftë edhe për zonën “Champions”.

“Pas dënimit prej 15 pikësh, kjo situatë e ka bashkuar edhe më shumë grupin tonë, siç po e tregojmë në fushën e lojës. Ditën që u morr vendimi u takuam të gjithë, u ulëm dhe folëm sy më sy me njëri-tjetrin dhe vendosëm që të japim gjithçka kemi brenda vetes.

Dhe menjëherë u kuptua energjia që kërkonim të transmetonim, edhe pse ishte po aq e drejtë që fillimisht të ishim disi të çorientuar, të shpërqendruar dhe të bënim disa gabime. Por edhe njëherë tjetër treguam se Juventusin sa më shumë e dënojnë, aq më të fortë bëhemi të gjithë këtu”, tha portieri bardhezi.