Lazio ka shtangur kryesuesit e Napolit në stadiumin “Diego Armando Maradona”, duke i mposhtur me rezultatin 0-1, në duelin e vlefshëm për javën e 25-të të Serisë A italiane.
Kjo ishte humbja e dytë në kampionat për skuadrën e Spaletit, që ka një diferencë prej 13 pikësh nga ndjekësit më të afërt, që momentalisht janë ata të Lazios.
Dueli i sotëm u vendos nga një predhë e Matia Vecinos në minutën e 67-të.
Mesfushori uruguaian realizoi një gol spektakolar, duke shtangur portieri Meret me një predhë.
Një paraqitje spektakolare edhe për Elseid Hysajn që ishte i pakalueshëm, duke qenë një ndër më të dalluarit në fushë për kryeqytetasit.
Në duelin e radhës Napoli do të presë Atalantën, ndërsa Lazio do të ndeshet në transfertë me Bolonjën.
Për Lazion kjo ishte fitorja e tretë radhazi në kampionat.
© SYRI.net
Bëje LIKE dhe merr lajmin e fundit nga Sporti: