Chanel Totti gjithmonë e më shumë e pranishme në rrjetet sociale dhe ambientet mondane të modës. Vajza e ish-kapitenit të Romës dhe prezantueses së famshme të Mediaset, ka nënshkruar një kontratë me agjencinë e Gabriella Lopedota me të cilën do të nisë disa bashkëpunime në fushën e modës.

Ajo ishte e pranishme në Milano për javën e modës ndërsa mori pjesë edhe në festën e Belen Rodriguez e cila prezantoi markën e saj të veshjeve, Mar de Margaritas.

E thjeshtë dhe me tipare të ngjashme me mamanë e saj Ilary, Chanel tërhoqi vëmendjen e të pranishmëve por ajo është vetëm në fillim të një rruge të gjatë për t’u bërë ikonë si babai në fushën e lojës apo mamaja e saj në ekran.