Si është atmosfera në dhomat e zhveshjes së Interit pas humbjes ndaj Bolognas? Simone Inzaghi, në konferencën për shtyp, u përgjigj kështu.

“Do të flitet shumë për humbjen, por unë jam trajneri dhe përgjegjësia kryesore bie mbi mua. Sot duhet të themi se edhe nëse rezultati kishte qenë ndryshe, ne nuk mund të ishim të kënaqur me lojën tonë sidomos në pjesë të parë”, tha ai.

Ndiheni të tradhtuar nga ekipi?

“I tradhtuar jo, ata më kanë dhënë gjithmonë gjithçka si në ndeshje ashtu edhe në stërvitje. Më vjen keq sepse ne jemi Inter dhe duhet të bëjmë më shumë“, përfundoi Inzaghi.