Interi ka pësuar një tjetër humbje në kampionatin italian të futbollit, duke hequr në këtë mënyrë dorë nga titulli, ndonëse llogaritë matematikore e mbajnë ende në lojë.

Zikaltrit janë mundur me rezultatin 1-0 në transfertë nga Bolonja, e cila doli me 3 pikë nga ky takim falë një goli nga Orsolini në minutën e 76, që erdhi si pasojë e një gabimi nga mbrojtja e Interit.

Tashmë pas 24 javësh kampionat, Interi renditet në vendin e dytë me 47 pikë, 18 më pak se Napoli i vendit të parë.

Djemtë e Inzaghit mesa duket janë të fokusuar në ndeshjen e kthimit në Champions League ndaj Portos, pas fitores minimale në shtëpi me rezultatin 1-0.