Drejtori ekzekutiv i Shakhtar Donetsk, Serhij Palkin, zbuloi pse Chelsea mundi Arsenalin në garën për të nënshkruar me Mihajlo Mudrik për një shumë prej 100 milionë eurosh, pasi të dyja palët bënë oferta identike.

Topçinjtë dukej se ishin në epërsi për sulmuesin ukrainas përpara se Chelsea të hynte në minutën e fundit për të nënshkruar me lojtarin në një marrëveshje tetëvjeçare e gjysmë.

Në një intervistë për Athletic , Palkin zbuloi se Shakhtar refuzoi ofertën e Arsenalit, e cila, duke përfshirë bonuset, përputhej me ofertën e Chelseat prej 100 milionë eurosh.

“Kur Arsenali propozoi një ofertë përfundimtare prej 70 milionë euro plus 30 milionë euro bonuse, ne u ulëm dhe filluam të diskutonim nga brenda se si do të përmbushej për sa i përket pagesës, pjesës fikse dhe çështjeve të bonusit. Kuptuam që nuk do ta bënim këtë kontratë me Arsenalin. I thashë drejtorit sportiv të Topçinjëve, Edu, se kam bërë më të mirën, por nuk ishte e mundur”, tha ai.

Transferimi u konfirmua zyrtarisht të dielën dhe Mudrik ishte i pranishëm gjatë fitores së Chelsea ndaj Crystal Palace.

Kjo erdhi pasi bashkëpronari i Chelsea, Behdad Eghbali dhe drejtori i transfertave globale, Paul Winstanley, udhëtuan për në Turqi, ku Shakhtar stërvitet, të shtunën dhe u kthyen në Londër me lojtarin në avionin e tyre privat.

Palnik zbuloi në intervistë se oferta e Chelseat u pranua sepse ata ishin shumë më seriozë dhe shpërblimet e tyre, të cilat përfshijnë fitimin e Premier League dhe Champions League.